Atvinnutengdar heilbrigðisskoðanir
Fjölbreyttar heilbrigðisskoðanir í tengslum við atvinnuréttindi
Sérfræði- og fluglæknar Vinnuverndar bjóða upp á fjölbreytt úrval læknisskoðanna er tengjast starfsréttindum ákveðinna starfsstétta. Má þar nefna heilbrigðisskoðanir vegna atvinnuréttinda samkvæmt reglum evrópsku flugöryggisstofnunarinnar EASA (1178/2011) og eins vegna atvinnu- og starfsréttinda til starfa á sjó samkvæmt reglum Samgöngustofu.
Einnig bjóðum við upp á heilbrigðisskoðanir tengdum útgáfu heilbrigðisskírteina vegna starfsréttinda á ýmiskonar vinnuvélum samkvæmt reglum Vinnueftirlitsins.
Hér fyrir neðan er að finna frekari upplýsingar um þær heilbrigðisskoðanir sem eru í boði.
Flugskoðanir
Fluglæknar Vinnuverndar bjóða upp á heilbrigðisskoðanir samkvæmt reglum evrópsku flugöryggisstofnunarinnar EASA (1178/2011) vegna útgáfu heilbrigðisskírteina.
Um er að ræða fjóra mismunandi flokka heilbrigðisskoðanna:
- Class I - Atvinnu- & þyrluflugmenn
- Class II - Einkaflugmenn
- Class III - Flugumferðrastjórar
- Flugfreyjur & flugþjónar (Cabin crew)
Nánari upplýsingar um hvern og einn flokk ásamt öðrum hagnýtum upplýsingum er að finna hér fyrir neðan.
Mikilvægt er að mæta með persónuskilríki í bókaða tíma
Heilbrigðisskoðanir sjómenn
Sérfræðilæknar Vinnuverndar bjóða upp á heilbrigðisskoðanir samkvæmt kröfum Samgöngustofu um atvinnuskírteini við ýmiskonar störf á sjó.
Um er að ræða þrjá mismunandi flokka heilbrigðisskoðana:
- Atvinnuskírteini: fiskiskip, varðskip & önnur skip - STCW-F
- Atvinnuskírteini: farþega & flutningsskip - STCW
- Skemmtibátar (6 metrar eða lengri)
Nánari upplýsingar um hvern og einn flokk ásamt öðrum hagnýtum upplýsingum er að finna á síðu Samgöngustofu. Mikilvægt er að þeir sem ætli sér að bóka skoðun séu búnir að kynna sér vel hvaða atvinnuskírteini þeir eru að sækja um svo rétt heilbrigðisskoðun sé valin við bókun.
Mikilvægt er að mæta með persónuskilríki í bókaða tíma
Heilbrigðisskoðanir
v/ vinnuvéla- & brúkranaréttinda
Við bjóðum fyrirtækjum og einstaklingum upp á sértækar læknisskoðanir til að öðlast eða endurnýja atvinnuréttindi á vinnuvélar skv.3 mgr. 16.gr á réttindaflokki vinnuvéla A, B-1, B-2, C-1, D-1 og D-2 samkvæmt reglum Vinnueftirlitsins.
Við bjóðum upp á að læknir og hjúkrunarfræðingur mæti á vinnustaðinn og framkvæmi skoðanir ef bókað er fyrir 10 einstaklinga eða fleiri, annars eru skoðanirnar framkvæmdar í húsakynnum Vinnuverndar.
Mikilvægt er að mæta með persónuskilríki í bókaða tíma