Veldu þann aðila sem þú vilt bóka tíma hjá

Sjá alla lausa tíma
Fjóla Dís Markúsdóttir
Sérhæfing - sálfræðiviðtöl & fræðsla

Fjóla Dís útskrifaðist með cand. psych. gráðu frá Háskóla Íslands árið 2017. Hún hefur komið víða við en hefur sinnt starfi sálfræðings á heilsugæslu síðan 2019. Þar hefur hún boðið upp á einstaklingsmeðferð og ráðgjöf fyrir börn, unglinga, foreldra ungra barna og konur á meðgöngu og eftir fæðingu, sem og hópmeðferð fyrir ýmsa hópa. Fjóla Dís hóf störf hjá Vinnuvernd samhliða starfi sínu á heilsugæslu árið 2024. Hjá Vinnuvernd sinnir hún einstaklingsráðgjöf ásamt fyrirlestrum og fræðslu til fyrirtækja og stofnana. Fjóla Dís hefur mikinn áhuga á forvarnarstarfi og því að auka vellíðan á vinnustað.

Inga Valdís Tómasdóttir
Sérhæfing - sálfræðiviðtöl & fræðsla
Inga útskrifaðist með cand.psych gráðu í klínískri sálfræði frá Kaupmannahafnarháskóla árið 2022. Hún sinnir sálfræðiráðgjöf til einstaklinga ásamt því að fara með fyrirlestra og fræðsluerindi til fyrirtækja. Hún hefur ástríðu fyrir forvarnarstarfi og því að fræða fólk um hin ýmsu málefni sem tengjast andlegri líðan. Hún hóf störf hjá Vinnuvernd árið 2022.
Jakob Gunnlaugsson
Sérhæfing - stjórnendahandleiðsla & ráðgjafi í mannauðsmálum
​ Jakob útskrifaðist sem sálfræðingur frá Kaupmannahafnarháskóla árið 2010 með áherslu á vinnu- og klíníska sálfræði. Jakob hóf hjá Vinnuvernd 2016 og hefur í síðan veitt stjórnendum ráðgjöf og handleiðlsu varðandi sálfélagslegt vinnuumhverfi á vinnustöðum auk þess að sinna klínískri meðferð einstaklinga. Helstu viðfangsefni í dag eru ráðgjöf til stjórnenda og fyrirtækja, stjórnendahandleiðsla, vinnustaðatgreiningar og einstaklingsviðtöl.
Sigrún Elísabeth Arnardóttir
Sálfræðiviðtöl á Selfossi
Sigrún er klínískur sálfræðingur en hún lauk meistaranámi frá Háskóla Íslands árið 2019. Hún sinnir einstaklingsráðgjöf og stuðningsviðtölum hjá Vinnuvernd ásamt sáttarmiðlun. Hún hóf störf hjá Vinnuvernd árið 2020. 
ATH! Sigrún er með aðstöðu á Selfossi og er eingöngu að taka viðtöl þar. 
Áslaug Kristinsdóttir
Sérhæfing - stjórnendahandleiðsla & ráðgjafi í mannauðsmálum
Áslaug utskrifaðist úr Háskóla Íslands með cand.psych gráðu árið 2007 og hefur síðan þá veitt einstaklingum klíníska meðferð og stjórnendum fyrirtækja ráðgjöf og handleiðslu varðandi félagslega og andlega áhættuþætti á vinnustað. Helstu viðfangsefni eru greiningar á starfsumhverfi, sáttamiðlun, ráðgjöf vegna samskiptavanda, stjórnendahandleiðsla, fyrirlestrar/námskeið og einstaklingsstuðningur. Áslaug hóf störf hjá Vinnuvernd árið 2021.