Fjarvistasamtöl

Fyrirtæki sem velja að vera í þjónustu með fjarvistaskráningar hafa val á að bæta við aukinni þjónustu í formi fjarvistasamtala. Er ferlið með þeim hætti að hjúrkunarfræðingur okkar greinir niðurstöður Bradford stuðuls viðkomandi fyrirtækis á 3 mánaða fresti. Er veikindatíðni og mynstur flokkað í þrjá flokka:

• Grænn – eðlilegt
• Gulur – til skoðunar
• Rauður – hátt eða óvenjulegt veikindamynstur

Þeir einstaklingar sem koma út með hátt eða óvenjulegt veikindamynstur eru settir í sérstakan eftirfylgnishóp og eftirfarandi aðgerðaráætlun virkjuð;

• Fylgst er sérstaklega með veikindatilkynningum og ástæðum veikinda.
• Stjórnendur eru upplýstir um veikindatíðni starfsfólks og velja hverja skal senda í viðtal.
• Einstaklingar sem boðaðir eru í viðtal fá sendan spurningalisti tengdum líkamlegri og andlegri heilsu sem hann svarar og í framhaldi mætir hann í fjarvistaviðtal hjá hjúkrunarfræðingi/sálfræðingi.

Fjarvistasamtöl fara yfirleitt fram í húsakynnum Vinnuverndar en ef fyrirtæki óska eftir því að þau fari fram hjá vinnuveitanda er hægt að verða við því.

Hafa samband