Aðgangur að Almennri læknisþjónustu Vinnuverndar er fyrirkomulag þar sem fyrirtæki í samstarfi við Vinnuvernd bjóða starfsfólki sínu upp á læknisþjónustu í formi opinna tíma.
Fyrirkomulagið er þannig að læknar Vinnuverndar taka á móti starfsmönnum á ákveðnum tímum í höfuðstöðvum Vinnuverndar. Fyrir stærri fyrirtæki eða stofnanir sem ráða yfir viðeigandi aðstöðu er mögulegt að læknir mæti á vinnustaðinn á ákveðnum tímum og sinni móttöku þar.
Læknar okkar vinna að fyrstu greiningu og aðstoða við að koma málefnum starfsfólks í viðeigandi farveg hratt og örugglega. Mismunandi getur verið hver sá farvegur er eftir umfangi og veikindum viðkomandi einstaklings. Mörg málefni eru þess eðlis að þau eru leyst á staðnum en ef læknar okkar telja þörf á frekari rannsóknum eða aðstoð sérfræðing eða fagaðila, aðstoða þeir viðkomandi við að komast í viðeigandi meðferð.
